OPORRAK GERO ETA GERTUAGO

OPORRAK HEMEN?


 EZ HOBETO HAN

Badira urtetxoak krisialdi garaian gaudela eta badakigu denok oso estu eta larri gabiltzala.

Hau dela eta, ezin ditugu nahi beste arropa eta zapata erosi, ezta poltsak ere. Ezin gara nahibeste joan zinemara, lokalak eduki... Baina azken finean hauek gure kapritxoak dira eta ahalegin pittin bat eginez eramangarri ere bai. Baina gauza bera al da arropa gutxiago erostea eta oporretan ez joatea? Inondik inora ere ez.

Oporrak urtean zehar ikasleek eta langileek gozatzen dituzten lanik gabeko egunak dira, aste edo hilabete batzuetan zehar atseden hartu eta aisirako ekintzak burutzeko. Hauek deskonektatzeko pentsatuak daude eta argi dago errazago deskonektatzen dela atzerrian nork bere herri edo hirian baino.

Baina tamalez gero eta jende gutxiagok du dirua oporretan bidaiatzeko.

Agian krisialdia dela eta, jendeak nahiago du dirua beste gauza batzuetarako gorde, bakoitzak erabakitzen baitu zer egin bere diruarekin. Baliteke ere jendeak aurrezten ez jakitea eta dirua duen bakoitzean bi egunetan gastatu eta gero ezer gabe geratzea. Baina nik uste dut kausa nagusia krisialdi garaian jendeak bidaietan pentsatzeko denborarik ez duela dela. Badago jendea lanik ez duena eta hilabete amaierara ondo iristeko arazoak dituena. Uste al duzue hauek oporretan nora joango diren pentsatzen egongo direla?

Honen ondorioz, jendeak oporrak ohean ematen ditu ezer egin gabe. Horrela esanda, ametsetako oporrak dirudite, ezta? Baina ez da horrela, lehenengo bi egunetan agian bai, baina horrela pare bat aste egoteko... aspergarri egiten dira oporrak! Gainera, turismotik bizi diren herri eta hiriek diru asko galtzen dute. Urte osoa egoten dira hauek oporren zain, bi hilabetetan urte osoko dirua ateratzeko. Zer gertatuko da hauekin denok gauza bera egiten badugu, denok etxean geratzen bagara?

Hau konpondu beharreko arazoa dela eta konponbideak badituela ere uste dut. Adibidez, lehena izan daiteke aurreztea. Urte osoan zehar hilabetero diru kopuru bat jarri itsulapiko batean. Agian urte oso bat aurrezten eman eta gero ezin da espero Estatu Batuetara joateko dirua edukitzea, baina Alicantera joateko eta bertako eguzkiaz hondartzan gozatzeko agian bai.

Beste konponbide bat ere badago,baina betetzea hau zailagoa da. Irtenbide hori laguntzak eskaintzea izan daiteke. Urtero udaletxeak gazteontzat udalekuak prestatzen ditu udan eta zozketa bat egiten da bertara apuntatzen garen guztion artean. Udalekuek 400-500 euro balio badute, hauek 200 eurotara jartzen dituzte. Nire proposamena gauza bera familiekin egitea da. Familiak apuntatu eta apuntatzen direnen artean zozketa bat egin ostean 200 euroren truke Espainiako edo Euskal Herriko lekuetara joateko aukera ematea. Zer irudituko litzaizueke?