ESTRESA
Goizean goiz altxatzen zara 10
ordu lan egiteko. Han zure buruzagiarekin borrokan aritzen zara eta
berandu irten ondoren, etxera bueltatzen zara errepide zaratatsu
batetik. Heltzean, umeei errieta bota behar diezu, ez dituztelako
etxerako lanak egin eta azkenean oheratzen zarenean, erlojuan ikusten
duzu lo egiteko 6 ordu bakarrik dituzula. Honela bizitzea oso
neketsua da, oso.. hau da hitz egokia: Estresantea.
Estresa gaur egun pertsona
anitzetan eragiten duen gaitza da. Gainera, daramagun bizimodu
bortitza gaixotasuna zabaltzen ari da etengabe.
Asko dira estresa sor dezaketen
faktoreak eta horietako gehienak guregandik oso gertu daude.
Lehenengoa kausa fisiologikoak dira. Norbaitek gaixotasun bat
sufritzen badu, tentsio edo odolean dauden substantzien aldaketa
bortitzak sufri ditzake eta horren ondorioz estresa nabari daiteke.
Horrez gain, kausa sozialak ere badaude. Bizilekuz aldatzen garenean,
gure burmuinak denbora behar du ingurune horretara ohitzeko, ohitura
berriak sortzeko eta gure gorputza moldatzeko. Batzuetan ez da
horrela izaten eta leku horretan seguru sentitzen ez garenez, estresa
gaitezke. Halaber, kausa psikologikoek eragina izan dezakete
estresaren garapenean. Pertsonekin ditugun erlazioak egonkorrak ez
badira, horiengatik sufritzen badugu edo kezka gaitzaketen jazoerak
gertatzen bazaizkigu, frustrazioa sor daiteke eta estresa garatu.
Azkenik, ingurugiroko kausek estresaren sorreran eragina dute ere.
Gure inguruan kutsadura badago, elikadura osasuntsu bat ez badaramagu
edota klima ez bada atsegina, estres patologia izateko arriskuan
gaude.
Hala ere, estresa ez da sendatu
ezin daitekeen gaitza. Miloika aukera erraz daude horren kontra
egiteko. Esaterako, lanean gauden bitartean, orduro hamar minutuko
atsedenak hartzea komenigarria da, “deskonektatzeko”. Beste
konponbide bat erlajazio ariketak egitea da, irakurtzea edo bainu
lasaigarriak hartzea alegia. Kirola erregularki eginez lehen
aipatutako tentsio eta odol mailak orekatuko genituzke. Eta azkenik,
gure elikadura zainduz bizimodu askoz zoriontsuagoa lortuko genuke
eta estresaz betirako ahaztuko ginateke.
iruzkinik ez:
Argitaratu iruzkina