Dancing in the Basque Country (2009-2010)

Zein polita den gure EUSKAL HERRIA!!

WORLD COFFE - Euskara bizkortzeko 100 ideia

Euskararen eguna hurbiltzearekin batera Gasteizko Udalak gazteekin eztabaida saio berezia prestatu du. Antolaketan Gazteria eta Euskara Zerbitzuak aritu gara eta dinamizazioa Elhuyar enpresak egingo du. 

World café metodologia erabiliko da: gazteak talde txikitan arituko dira, arlo ezberdinetan euskararekin dituzten bizipena mahiratuko dituzte eta beren sormena erabiliko dute alternatibak bilatzeko. Talde dinamika, askaritxo bat, sorpresa bat edo beste... jende berria ezagutu eta tarte atsegin bat pasatu. 

Noiz: azaroaren 25ean (osteguna)

Ordua: 18:00etan

Lekua: EHU-UPVko jantokietan
  
Batez ere 14 eta 25 urte bitarteko gazteak bilatzen ditugu.
  
Izena emateko: gazteria@vitoria-gasteiz.org

Adi egon! Aste horretan bertan sorpresa gehiago ere egongo dira-eta.

ITXURA FISIKOA ETA GAZTEAK

Denok ezagutzen dugu nerabeek itxurari ematen dioten garrantzia. Zerbaitengatik gaztelaniaz “la edad del pavo” esaten zaio.

Nerabezaroan inoiz baino garrantzi handiagoa ematen zaio fisikoari eta arropa motari. Urte horietan norberarekiko segurtasuna ahultzen da , eta horregatik neska askok, argalak izan arren, gehiago argaldu nahi izaten dute. Izan ere, gaur egungo gizarteak duen emakumearekiko prototipoa “Barbie”en oso-oso antzekoa da.

Hori dela eta, nerabe asko anorexiadunak dira, eta horrek osasun arazoak sortzeaz gain, ez zaitu besteen aurrean ederragoa egiten. Batzuetan ederragoa ez egiteaz gain, itsusitu egiten zaitu. Izan ere, eskeleto ibiltaria dirudizu.

Argaltasunaz gain, nerabeei irteten zaizkien garunek eta puntu beltzek ere asko kezkatzen dituzte.

Hori, alde batetik, ondo dago. Izan ere, kosmetikoen enpresak lan egin behar dute, eta horrek lanpostuak sortzen ditu. Baina, beste alde batetik, hori akats larriak dela uste dut. Egia da garauek ez dutela polit egiten, baina nezaberazoan emakumezkoei hilerokoa jaistean eta titiak handitzea edota gizonezkoei bizarra haztea bezain normala da garauak izatea.

Hortaz gain, Hego Ameriketan, neskek 15 urte betetzean, beren gurasoek alabei kirurgia plastiko estetikoa oparitzen diete.

Nire ustez, hori guztia gaizki eginda dago; izan ere, nork bere burua errespetatu beharko luke. Baina jendeak telebistan agertzen diren pertsonak imitatzen ditu eta horregatik dirudi jendeak edertasun artifiziala nahiago duela naturala baino.

Gaur egungo gizarteak normaltzat hartzen ditu titiak handitzeko, tripatik gantza kentzeko, sudurra txikitzeko eta ezpainak loditzeko operazioak.

Modeloek inoiz ez dituzte gorputz osasuntsu normalen neurriak. Beti dira altuak eta argalak nesken kasuan, eta altuak eta gihar oso nabariekin mutilen kasuan.

Gizarte hau oso azaleko da eta itxurakerian oinarriturik dago. Horren adibide dira aktoreak. Gehienok beren gorputzengatik ezagutzen ditugu asko eta asko. Haientzat nahikoa da gustagarri agertzea filmetan lan egin ahal izateko. Badaude film asko nerabeei zuzenduak daudenak eta aktore ederrak dituztelako famatu egin direnak. Horren adibide da “Crespúsculo” saga osoa. Izan ere, lehenengo filmea izan ezik, besteak Tailor Laurtner (Jacob Black) eta Robert Pattinson (Edward Cullen) agertu direlako izan dira hain famatuak (saga horren filmeek bere liburuen parean ez dute ezertarako balio).

Nire ustez, itxurakeria honi guztiari amaiera emateko, nork bere gorputza onartu behar du. Oraingoz Dove da bere buruarekin alai dauden pertsona benetan normalak azaltzen dituen enpresa bakarra, eta horrelako enpresa gehiago egon beharko lirateke gizarte honetan benetako pertsonak miretsiak izateko eta ez gaur arte bezala eredu berari jarraituz sorturiko pertsona miretsiak.

Bereterretxeren khantoria-Mikel Laboa

Brodatzen Ari Nintzen

EBAKUNTZA ESTETIKOEN INGURUKOAK!

EBAKUNTZA DERMOESTETIKOA

Azkenengo urteetan ebakuntza estetikoak oso ohiko bihurtu dira. Lehen persona ospetsuek eta dirudunek egiten zituzten batik bat, baina gaur oso normala omen da ezpainak handitzea edo liposukzioak egitea. Nire ustez, bere gorputzarekin gustora sentitzen ez den jendeak bide seguru eta naturaletatik jo beharko luke gauzak bisturiaren bidez konpondu beharrean.

Ebakuntza orok du arriskua, bai organo trasplante bat izan eta baita masail handitze bat izanda ere. Horren adibide bat da sudur operazio bat egitera joan zen gazte madrildar harena: ebakuntzan ari zirela anestesistak huts egin eta gaztea lau minutuz arnasa ezin harturik utzi zuen koman sartu zen arte. Horregatik, pentsatzen dut, ezinbestekoa ez baldin bada, halako interbentzioetara ez dela jo behar.

Komunikabideek, batez ere telebistek, gu ebakuntza horiek egitera animatzen gaituzte iragarkien bidez eta telesaio arrosek Asturiaseko Printzesak edo Belén Estebanek ez dakit nongo ebakuntza egin dutela esanez. Gizarte kontsumistak haien itxurarekin akonplexaturik dituen emakumeek gauza horien berri izatean, ebakuntza horiek egiten dituzten zentruetara joan eta milaka euro uzten dituzte bertan andre horiek. Gainera, zentru horietako medikuek (ebakuntza alferrikakoa izan ez dadin) tratamendu bat jarrai dezatela esaten diete itxura berridun emakumeei eta hori enpresa farmazeutikoen onurarako izango da. Honen guztiaren bidez zera esan nahi nuen: gizarteak nolakoak izan behar garen esaten digula eta itxuraldatzeetan gastatzen dugun diru guztia gizarte hori kontrolatzen dutenentzat dela.

Onartzen dut badirela ebakuntza estetiko batzuk besteak baino moralagoak direnak, adibidez, titietako minbizia eragozteko ebakuntza. Lehen, emakumeek titi batean minbizia bazuten, bularra galdu egiten zuten, baina ebakuntza estetikoei esker beste titi berri bat jartzeko aukera dago.

Beraz, ebakuntza estetikoak beharrezkoak ez direla uste dut eta gure itxurari erreparatu eta onartu beharko genukeela pentsatzen dut, gizarteak inposatzen dizkigun estereotipoei kasurik egin gabe.

DBH 4. maila

Atarratzeko gazteluko kantua (Benito Lertxundi)