ASTEAZKEN ETA OSTIRALETAKO JOLASORDUAK DIRELA ETA

PATIOKO ARAZOA

 Lehenengo semaforoaren kontua izan genuen arazo. Orain, aldiz, jolasorduko denborak gauzka ezinegonak jota. Izan ere, DBH 3. eta 4. mailako ikasleok bi jolasordu izaten ditugu asteazken eta ostiraletan, arratsaldeetan klaserik ez baitugu.

Printzipioz, hamabost minutuko bi atsedenaldi ditugu. Bata 10:30etik 10:45era eta hurrengoa 12:25etik 12:40era. Baina askotan beranduago ateratzen gara klasetik eta ez digu ia denborarik ematen zertxobait jateko.

Guk denbora gehiago nahi dugu, hain denbora gutxirekin ez baitugu ezertarako tarterik.

Hori gutxi balitz, patiora jaisten eta igotzen patio erdia joaten zaigu.

Egia da guk ikastolan denbora jakin bat egon behar dugula eskoletan eta guztia pentsatuta dagoela zuzendariaren partetik.

Hori horrela izanik ere, pixkat arraroa iruditzen zait 14:20an ateratzearen kontua. Zergatik ez diogu patio bakoitzari bost minutu gehitzen? Horrela, hogei minutuko bi patio edukiko genituzke eta 14:30ean aterako ginateke eta patioan aire freskoa arnasteko aukera izango genuke.

Horregatik, asteazken eta ostiraletako patioak bost minutu luzatzea eskatzen dut. Bestela, egunen batean ikasle guztiok airerik gabe aurkituko gaituzue.

DBH 3.mailako ikasle bat