BH Ikasle Txokoa: abendua 2014

2014/12/16

DBH 4. mailako artistak

DBH 4. mailako ikasleek elementu ezberdinak uztartuz, Dantza, akrobaziak eta malabareak, aurkezpen ederrak prestatu dituzte. Hona hemen egindako lanaren bi adibide. GOZATU!!!

2014/12/09

Itxi begiak, hau zuretzat baita. Gaur ez dizudalako irudiekin ezer erakutsi behar. Gaur zu izango zara aginduko duena. Badakit nola sentitzen zaren batzuetan, ezerk zentzurik ez duenean. Guztia pikutara botako zenuke eta zure bizitza guztiz aldatuko zenuke, ez inork, ez ezerk garrantzirik ez balu bezala. Baina gaur lagunduko dizut eta horrela ez jarraitzeko arrazoiak emango dizkizut. Zergatik jarraitu behar dugu aurrera? Zergatik irribarre batek mila malkok baino gehiago balio du?

Ez ireki zure begiak oraindik. Goazen atzera, umeak ginen garaira, ezerk kezkatzen ez gintuen uneetara. Esadazu. Zer ikusten duzu? Dena errazagoa zen, ezta? Mundua okertzen bazitzaigun, gure nahien arabera alda genezakeen. Gu zaintzen eta gutaz kezkatzen ziren pertsonak genituelako inguruan.

Egin dezagun aurrera berriro, argi pentsatzen uzten ez diguten egunetara, horrenbeste izutzen zaituzten argirik gabeko gauetara, ispiluari begiratzean ezer gustatzen ez zaizun momentuetara. Imajina ezazu ispilu bat, pentsatu zer aldatuko zenukeen zure buruarekin eroso sentitzeko. Segundu batzuk emango dizkizut. Egin lasai! Zer da ikusten duzuna? Hobeto sentitzen zara? Gauza bat esango dizut. Uste dut zaren bezala ikusiko duzula zure burua. Zergatik? Ez dagoelako norbera den bezalakoa izatea baino gauza politagorik, zure akatsak onartuz eta zure garaipenak ospatuz. Norbaitentzat zu garrantzitsuena zarelako jakinda. Aldatzen bazara, zu zeu izateari utziko diozu eta hori gertatzen bada galdu egingo duzu.

Badakizu zer? Denok ditugu egun txarrak, baina hori egun onei garratzia ematen diegulako eta faltan botatzen ditugulako da. Guztiok egin nahi dugu irribarre, baina negar egiteak eta gure sentimenduek planetak mugi ditzaketela adierazteak gizaki bihurtzen gaitu.

Utziko dizut negar egiten, haserretzen, egun osoa ohean igarotzen, horrela nahi baduzu. Baina lortuko duzun gauza bakarra zure bizitzako egun eder bat pasatzea izango da eta zu maite zaituztenak mintzea. Jarraitu bideari, eta jakin zuk, nahiz eta batzuetan jokoz kanpo sentitu, aldatzeko aukera duzula. Ireki begiak eta bizi momentu guztiak. Ikasi honetaz guztiaz.

Gaur triste egoten utziko dizut, bihar irribarre egiten baduzu.